'Save the story': Cyrano de Bergerac

                                                                                                                                                

Alessandro Barico é un escritor italiano que fundou e dirixe a Scuola Holden para futuros escritores. Dela xurdiu a iniciativa de salvar historias en perigo de extinción. Uns salvan animais; a Scuola Holden salva historias da literatura universal nun proxecto chamado "Save the Story". Pretenden dar a coñecer os clásicos aos nenos pero a calidade dos textos permite que chegue, como as boas obras, a todo tipo de lectores: maiores e pequenos. Nós temos na biblioteca o 'Cyrano de Bergerac' de Rostand, re-narrado por Gianni Benni. Máis adiante procuraremos traer o resto da colección que nos achega outros clásicos a través da voz de Umberto Eco, Alessandro Barico ou Andrea Camilleri.

Dúas novidades

Hai xa máis de 15 anos que Agustín Fernández Paz publicou “Cartas de inverno”, que se converteu nun dos ‘supervendas’ da literatura galega. Moitos de vós lestes algunha novela deste autor e mesmo pasastes algo de medo con este título. Agora publícase a xeito de novela gráfica con ilustracións de Antonio Seijas. Xa na nosa biblioteca.

Manolito Gafotas fíxose maior e agora prefire que o chamen Manolo. Para todos os seguidores das súas aventuras, que neste instituto hai moitos, co seu irmán "el Imbécil" e unha nova irmanciña. Dende Carabanchel Alto xa na biblioteca

Outono da Ciencia

Novembro non é só o mes da mata, dos magostos e do Samaín. Tamén é, dende hai unha década, o mes da ciencia e, dende hai tres anos, o mes da ciencia e da tecnoloxía en galego.
No ano 2001, a UNESCO decidiu declarar o 10 de Santos como Día Mundial da Ciencia para a Paz e o Desenvolvemento coa finalidade de promover a utilización responsable da ciencia en beneficio das sociedades e, nomeadamente, na erradicación da pobreza e a prol da seguridade humana. Tamén persegue unha maior conciencia social da importancia da ciencia e reducir a fenda existente entre a ciencia e a sociedade.
Fai clic sobre a imaxe