A biblioteca do IES Valle Inclán, na celebración do Día Mundial da Erradicación da Pobreza (17 de Outubro), decidiu colaborar coa Asociación Boa Vida de Pontevedra para dar a coñecer o traballo que leva a cabo e que ten que ver coa mellora das condicións de vida dos mais desfavorecidos da nosa sociedade. Para iso expóñense, durante estas dúas últimas semanas do mes, diferentes carteis e trípticos que achegan información sobre a mesma. Na seguinte ligazón tedes a páxina de facebook da asociación na que se poden ver algunhas fotos feitas na biblioteca.
