VIOLENCIA DE XÉNERO DIXITAL

 

Violencia de xénero dixital

25 NOVEMBRO DÍA INTERNACIONAL CONTRA A VIOLENCIA DE XÉNERO

 

II CERTAME DE MICRORRELATOS "BOLBORETAS" NO DÍA INTERNACIONAL CONTRA A VIOLENCIA DE XÉNER

PROTOCOLO PARA O USO E SOLICITUDE DE LIBROS DA BIBLIOTECA DO IES VALLE INCLÁN

 

 

Pica na ligazón para ver o protocolo de utilización da biblioteca do IES Valle Inclán no curso 2020-2021, a principal novidade é que a solicitude dos libros realizarase cubrindo o formulario que está a disposición do alumnado na parte superior dereita da páxina web do Centro e no blog da biblioteca ao que se accede picando na imaxe do apartado de SOLICITUDE DE LIBROS DA BIBLIOTECA.

DÍA DAS LETRAS GALEGAS 2020

A pesar do adiamento do día das letras galegas, desde a biblioteca do centro non queremos deixar pasar a conmemoración. Hai van unhas ligazóns para que vos acheguedes á vida e a obra do homenaxeado deste ano Ricardo Carvalho Calero que naceu en Ferrol en 1910 e faleceu en 1990 en Santiago de Compostela. Sobresaíu como historiador da literatura, crítico literario, filólogo e escritor, e dedicou a súa vida a dignificar o idioma e a cultura galegas.

LETRAS GALEGAS 2020

LETRAS GALEGAS 2020 2

LETRAS GALEGAS 2020 3 

GALA DO LIBRO GALEGO

 O xurado da quinta edición dos premios da Gala do Libro Galego deu a coñecer as obras e autoras gañadoras nesta convocatoria que, pola situación causada pola pandemia do COVID19, viuse na obriga de ser adiada. A gala do Libro Galego tiña prevista a súa celebración o sábado día 9 de maio. O xurado decidiu manter as deliberacións e dar a coñecer os libros gañadores, adiando a gala para o outono vindeiro en canto as condicións o permitan.  Aquí teneis unha ligazón para que coñezades a todos os gañadores.

GALA DO LIBRO GALEGO

9 DE MAIO DÍA DE EUROPA

Hoxe, 9 de maio, os 27 países da Unión Europea celebran o Día de Europa 2020, unha data que busca promover a transparencia e fomentar o achegamento entre a Unión Europea e os seus cidadáns.

Desde 1985, os países membros da Unión Europea celebran o Día de Europa o 9 de maio para conmemorar o discurso que neste mesmo día en 1950 pronunciou Robert Schuman, Ministro de Asuntos Exteriores francés, para presentar un novo modelo de cooperación política e económica de Europa, despois da Segunda Guerra Mundial.

Un discurso que se coñece como a<<Declaración Schuman>>e que supuxo o xermolo da Comunidade Europea do Aceiro e o Carbón (CECA) entre, Alemaña, Bélxica, Francia, Italia, Luxemburgo e os Países Baixos, posterior Comunidade Económica Europea e, finalmente, a Unión Europea que hoxe coñecemos.

Deixobos un vídeo para que conozcades a letra do himno da Unión Europea

                                

DESDE A BIBLIO MÚSICA PARA O CONFINAMENTO

OLA A TODOS E TODAS SEGUIMOS RESISTINDO COA MÚSICA.

<<DAVID BOWIE>> 

David Bowie naceu en Londres, con outro nome que non importa, en 1947 no seo dunha familia pequenoburguesa. Interesouse de mozo polo jazz e pola filosofía budista. Nos seus comezos achegouse ao rock desde unha perspectiva estética. Forma parte de varios grupos e vaise introducindo nos ambientes hippies de Londres. Con gran inquietude intelectual, interésase polo teatro e pola mímica, chegando a ter a súa propia compañía. Isto permítelle converterse nun mestre na unión de música e imaxe. Deseña o seu propio vestiario e maquillaxe e anos despois convértese no profeta da <<cool wave>>. Tamén participa como actor nalgunhas películas.

En directo, Bowie foi un dos músicos de rock máis elegantes que se subiron a un escenario. Sempre foi un intérprete magnético e sedutor. Cos anos consolídase como unha superestrela do rock. Bowie sempre foi considerado innovador.

O 10 de xaneiro de 2016, dous días despois de cumprir 69 anos, morría no seu apartamento en Nova York.

DESDE A BIBLIO MÚSICA PARA O CONFINAMENTO

OLA A TODOS E TODAS SEGUIMOS RESISTINDO COA MÚSICA PARA QUE O 

CONFINAMENTO SEXA CADA VEZ MÁIS LEVE.

<<THE WATERBOYS>> 

The Waterboys é unha banda escocesa-inglesa-irlandesa de rock-folk formada en 1983 por Mike Scott. A música deste grupo, sempre pasou desde unha mestura de folk celta até o rock'n'roll pero sempre cun estilo moi persoal outorgado polo talento do seu líder Mike Scott. O son dos Waterboys foi chamado The Big Sound. Este estilo foi descrito por Mike Scott como <<unha metáfora por ver a autoría de Deus no mundo>>.

 A finais dos 80 o son da banda fíxose máis folk aínda que máis tarde volveron ao son rock. As súas cancións, principalmente escritas por Scott, a miúdo tratan de referencias literarias relacionadas coa espiritualidade (Mike Scott estudou literatura inglesa e filosofía). The Waterboys sempre fixo un rock espazoso con imaxes poéticas entre a serenidade e a énfase.

23 DE ABRIL DÍA INTERNACIONAL DO LIBRO

#aculturasegue

A pesar do confinamento que estamos a vivir, a cultura segue. Por iso, en conmemoración do día internacional do libro, a biblio do Valle, este ano aposta pola banda deseñada. Velaí van unha serie de enlaces para que todos e todas poidades disfrutar dunha gran cantidade de cómics, para esquecer por un rato o tedioso  traballo diario que estades a facer.

TBO EXTRA

Selección de almanaques da revista de cómic TBO que se publicou entre 1917 e 1998 e onde aparecen aventuras da maioría dos seus personaxes.

HIPERTEXTUAL

O Dixital Cómic Museum ofrécenos unha recompilación de máis de 15.000 cómics gratis e libres de dominio público. Subidos por coleccionistas, investigadores e afeccionados que os han escaneado a gran calidade.

CON W DE WOLFRAMIO

<<Con W de Wolframio>> é un divertidisimo cómic de Mortadelo e Filemón con 56 páxinas e totalmente gratis.

DESDE A BIBLIO MÚSICA PARA O CONFINAMENTO

OLA A TODOS E TODAS SEGUIMOS RESISTINDO COA MÚSICA PARA QUE O 

CONFINAMENTO SEXA MÁIS LEVE.

<<LINKIN PARK>> 

Linkin Park é unha banda estadounidense de rock alternativo formada en 1996. Ata que se incorporou como vocalista Chester Bennington non tiveron ningún éxito. A partir de aí no ano 2000 co disco <<Hybrid Theory>> e con temas como <<In the end>> alcanzaron gran éxito. Os Linkin Park, son un dos grandes grupos do <<rap metal>> e do <<metal alternativo>> utilizando programadores e sintetizadores. O uso de dous tipos de canto, con dous cantantes, fixo característica a música da agrupación. Linkin Park caracterizouse desde os seus inicios por interpretar nas súas cancións diversos temas que abarcan diferentes aspectos desde o persoal até o social. O 20 de xullo de 2017, Chester Bennington morría traxicamente.

Hoxe os <<Linkin...>> viaxan por separado.

DESDE A BIBLIO MÚSICA PARA O CONFINAMENTO

OLA A TODOS E TODAS

 SEGUIMOS COA MÚSICA PARA QUE O CONFINAMENTO VOS SEXA MÁIS LEVE

HOXE TÓCALLE AOS <<DIRE STRAITS>>

 <<Dire Straits>> foi un grupo formado no sur de Londres a finais de 1977, polos irmáns Mark Knopfler (guitarra solista e voz) e David Knopfler (guitarra rítmica), co seu amigo John Illsley ( baixo) e o batería Pick Withers. Despois de pasar unhas cantas penurias, os catro decidiron gravar unha maqueta onde estaba incluído o tema <<Sultans of swings>>.

Esa maqueta chegou a oídos de produtores interesados en novos talentos e o éxito foi inmediato. Nisto tivo moito que ver a forma tan personal de Mark Knofler de tocar a guitarra, xa que beliscaba as cordas como ninguén fixera até ese momento.

Aí comezou a lenda deste grupo. Pouco a pouco Mark Knopfler converteuse nun músico total, nun dos grandes guitarristas do planeta sobre todo co seu estilo característico de tocar o instrumento das seis cordas. E o seu son inconfundible alcanzou a xenios como Bob Dylan, Van Morrison, Phil Lynott ou Steely Dan.

Que disfrutedes deste gran tema!!!

DESDE A BIBLIO MÚSICA PARA O CONFINAMENTO

A biblioteca do Valle convídavos a desfrutar deste músico que fará que vos sintades un pouco máis felices nos peores momentos deste confinamento. Este é o primeiro dunha serie de grandes clásicos do Rock and Roll  que iredes escoitando aos poucos. Come on Eric!!! 

PELÍCULAS E SERIES EN GALEGO

Ola a todos e todas. A biblioteca do Valle non se rinde e sigue en pé. Aquí vai un enlace para que poidades ver e desfrutar en streaming, dunhas cantas películas e series en galego, para que vexades que aquí en Galicia tamén se fai bo cine.

Balea Cultural

 http://balea.gal/cinema-e-tv/10-series-e-peliculas-en-galego-para-ver-en-streaming/

A BIBLIO DO VALLE SEGUE FUNCIONANDO ON-LINE

Ola a tod@s:
Ao longo destes días seguimos en contacto con vós no blog da biblioteca. Hoxe presentamos aquí dúas ligazóns moi interesantes e que vos poden axudar a levar mellor o confinamento.

1. A plataforma GaliciaLe, que ofrece máis de 4.500 títulos de libros, revistas ou películas e visitas virtuais a museos. Pincha na ligazón para ver a información.

Plataforma GaliciaLe  

2. Outra ligazón na que tedes audiolibros, ebooks e podcasts gratis durante 30 días en castelán e Inglés.

City Confidencial   

Unha aperta e boa lectura.                       

VÍDEO 8M DÍA INTERNACIONAL DA MULLER

O equipo da Biblioteca e o de Dinamización Lingüística do IES Valle Inclán realizaron este vídeo con alumnado de 4º de ESO e 1º e 2º de Bacharelato para conmemorar o 8M, día Internacional da Muller. 

DÍA DE ROSALÍA DE CASTRO 2020 "ERRANTES POLO MUNDO"

O pasado luns 24 de febreiro celebrouse o día de Rosalía de Castro, para conmemorar esta data o alumnado do Centro realizou unha actividade voluntaria coordinada polos Equipos de Biblioteca e de Dinamización Lingüística que consistiu en facer visible o problema da inmigración co lema "Errantes polo mundo", frase presente no seu poemario "Follas Novas". Pincha na imaxe para ver todas as fotografías.

FÁLAME DA EMIGRACIÓN

A semana pasada catro mulleres emigrantes en Suiza, Inglaterra, Brasil e Alemania compartiron as súas vivencias co alumnado de 4º de ESO, quen tamén poido expoñer as súas experiencias familiares relacionadas coa emigración, dando lugar a un debate moi enriquecedor. Esta actividade desenvolvida polo equipo da Biblioteca e o de Dinamización da Lingua Galega tivo como marco o programa "Fálame da emigración" de Afundación. Pincha na imaxe para ver máis fotografías.

IGUALDADE BIBLIO IES VALLE INCLÁN

A Consellería de Educación da Xunta de Galicia enviou fondos ás bibliotecas escolares para mercar libros relacionados con Igualdade. Pinchando na seguinte fotografía podes ver algúns dos novos libros adquiridos con esta partida.